Antalyanın qədim Side şəhərinə səfəri zamanı itən ingilis turist polislər tərəfindən tapılıb.

83 yaşlı turistin Alzheimer xəstəsi olduğu öyrənilib. Polislər qrup halında axtarış işlərinə başlayıblar, bölgədəki təhlükəsizlik kameralarını araşdıran qruplar turistin gedə biləcəyi 35 kilometrlik ərazidə itmiş şəxsi axtarıblar. Axtarış işləri nəticəsində İngilis turist Gündoğdu Məhəlləsi Sarısu istiqamətində su kanalında yatmış vəziyyətdə tapılıb. Şüuru yerində, amma yorğun olan turist ilkin tibbi yardımdan sonra xəstəxanaya aparılıb.