---

Atalar belə deyib: "Çox oxuyan çox bilməz, çox gəzən çox bilər". Amma bu məqaləni oxumaq sizə səyahət etmək haqqında maraqlı faktlarla tanış edəcək. ZCOACH travel  səyahət etməklə bağlı 10 faktı təqdim edir:

1. Səyahət etmək sizi daha ağıllı edir.

Artıq elmi olaraq sübut olunub ki, səyahət etmək zehni inkişaf etdirir. Yeni yerlər görmək, yeni qoxular və hissiyatlar duymaq xatirə qazanmaqdan daha artığıdır. Səyahət təcrübələri  beyninizi fərqli və kreativ düşünməyə təşvik edir. Siz həmçinin yeni sinir yolları yaradırsınız, bu da sizin problem həlletmə və səbəbləndirmə bacarıqlarınızı  yeniləyir.

2. Səyahət ürəyinizi möhkəmləndirir

Ətrafınızda əlavə gərginlik daşıdığınız zaman bu, zehni sağlamlığınızdan daha çox ürəyə mənfi təsir göstərərək sizi ürək-damar xəstəliklərinə daha çox meylli edir. Tədqiqatçılar illik tətili buraxan kişilərin infarkt keçirmə şansının 0% daha çox olduğunu müəyyən etdilər. Yaxşı xəbər odur ki, tətillər bu riski azaltmağa kömək edə bilər! Bir araşdırmada yalnız bir və ya iki günlük səyahətdən sonra insanların təxminən 90% -nin daha aşağı stress səviyyəsinə malik olduğunu bildirdi.

3. Turizm iqdisadiyyatı daim hərəkətdə saxlayır

Amerikada hər 9 işdən birinin turizmdən asılı olduğunu bilirdinizmi? Birləşmiş Krallıqda təkcə səyahət sənayesi dörd milyona yaxın iş yeri təklif edir. Növbəti dəfə səyahətə hazırlaşarkən  bu əyləncəli faktı xatırlayın  və yerli iqtisadiyyatınıza töhfə verdiyinizi bilin!

4. 10 saatlıq uçuş zamanı 2 litrdən çox su itirə bilərsiniz

Aşağı rütubət və azaldılmış oksigen mühiti vücudunuzun  yerdə olduğundan daha çox su itirməyinə səbəb olur. Növbəti dəfə təyyarədə olarkən özünüzlə bir butulka su götürə bilərsiniz.

5. Səyahətə xərclənən pul sizi xoşbəxt edir.

Araşdırmalara əsasən, səyahətə pul xərcləmək geyim və əşyalara xərcləməkdən daha çox xoşbəxt edir. Çünki əşyalar yox olur və unudulur, amma səyahət təcrübələri yaddaşda ömürlük qalır.

6.  Mütəmadi olaraq səyahət edən insanlar daha dostcanlı və yolagedəndir, onlar sosial situasiyalarda daha az stress hiss edir.

7. Səyahət etmək tarixi dəyişə bilər.

Argentinalı inqilabçı Çe Quevara Cənubi Amerikaya velosipedlə səyahət zamanı özünü tapdı. Fransız rəssam Klod Mone Arjantöyə səyahəti zamanı zanbaqları yeni prespektivdən kəşf edir və sənət əsərinə çevirir.

8. Hər 60 saniyədən bir xarici ölkəyə 2173 nəfər gəlir.

Səyahət etmək əhval -ruhiyyənizin, sevinc səviyyənizin yüksəlməsinə səbəb olur, o cümlədən, uzaq qalmaq istədiyiniz hər şeydən istirahətinizə kömək edir.

9. “Turist” sözü 1760-cı ildən bəri  istirahət üçün səyahət edən şəxslər üçün istifadə olunurdu.

10. Seçdiyiniz tətil növü ilə xarakteriniz arasında əlaqə var.

Məsələn, introvertlər daha çox dağa səyahəti, ekstrovertlər isə dənizkənarı istirahəti seçərlər.

“İnsanı səyahət kimi heç nə zənginləşdirmir!"
                      -Nikolay Rerix